Дзень адчыненых дзвярэй анлайн правядзе 23 мая факультэт эканомікі і права МДУ імя А. А. Куляшова

Дзень адчыненых дзвярэй анлайн правядзе 23 мая факультэт эканомікі і права МДУ імя А. А. Куляшова. Пра гэта паведамілі ва ўстанове адукацыі.

Паводле слоў суразмоўцаў, сёлета ўпершыню факультэцкае жыццё будзе прадстаўлена як адукацыйны і сацыяльны праект.

«Мы не проста паведамім нашым абітурыентам аб спецыяльнасцях, на якія ажыццяўляецца набор, аб навучальным працэсе, аб навуковай дзейнасці. Хоць і без гэтага, вядома, не абыдзецца, – каментуе дэкан факультэта Дзмітрый Аляксандравіч Рагаўцоў. – Самае галоўнае для нас – данесці да моладзі просты меседж: факультэт эканомікі і права – гэта факультэт не толькі для адукаваных, але і для сацыяльна актыўных, неабыякавых людзей. Інтэлект і дабрыня павінны ісці рука аб руку».

Менавіта таму ў якасці мадэратараў для дня адчыненых дзвярэй адміністрацыя факультэта абрала двух сваіх студэнтаў – Ільяса і Карыну. Гэта валанцёры, якія ў перыяд складанай эпідэміялагічнай сітуацыі не засталіся ў баку, не аказаліся абыякавымі. Ужо некалькі месяцаў яны прыносяць прадукты і лекі ў тыя дамы, гаспадары якіх па розных прычынах не могуць выйсці на вуліцу. «Мы разлічваем на тое, што Ільяс і Карына стануць прыкладам для маладых людзей, падштурхнуць іх, можа быць і не такім прыкметным, але сапраўды высакародным учынкам», – адзначае Дзмітрый Рагаўцоў.

На мерапрыемстве будуць прысутнічаць дэкан, яго намеснікі, загадчыкі ўсіх кафедраў. Таму задаваць можна любыя пытанні, якія тычацца ўступнай кампаніі, спецыяльнасцей, валанцёрскай і грамадскай дзейнасці. Зрабіць гэта можна ўжо зараз, адправіўшы пытанне на электронны адрас факультэта: feal@msu.by. Дзень адкрытых дзвярэй на факультэце эканомікі і права будзе праходзіць 23 мая з 11:00 да 12:30. Трансляцыя будзе весціся ў сацыяльнай сетцы УКантакце (афіцыйная група ўніверсітэта: https://vk.com/msu_kuleshov).