Дзяржаўных узнагарод і Падзякі Прэзідэнта Беларусі ўдастоены прадстаўнікі розных сфер дзейнасці Магілёўскай вобласці

Дзяржаўных узнагарод удастоены прадстаўнікі розных сфер дзейнасці. Адпаведны ўказ падпісаў Прэзідэнт Беларусі Аляксандр Лукашэнка.

Ордэны, медалі і ганаровыя званні прысвоены за шматгадовую плённую працу, узорнае выкананне службовых абавязкаў, выключную адвагу і мужнасць, праяўленыя пры выратаванні людзей падчас пажару, значны асабісты ўклад у забеспячэнне грамадскага парадку і прадухіленне эканамічных злачынстваў, развіццё сельскай гаспадаркі і лёгкай прамысловасці, заслугі ў сферы будаўніцтва, адукацыі і культуры.

У прыватнасці, начальнік інспекцыі Міністэрства па падатках і зборах па Асіповіцкім раёне Зінаіда Лёвачкіна ўдастоена ордэна Пашаны.

Міліцыянер – дзяжурны ізалятара для часовага ўтрымання асоб, затрыманых або зняволеных пад варту, міліцыі грамадскай бяспекі аддзела ўнутраных спраў Дрыбінскага райвыканкама Антон Сямякін –узнагароджаны медалём «За выратаванае жыццё».

Аляксандр Лукашэнка таксама падпісаў распараджэнне аб аб’яўленні падзякі Прэзідэнта Беларусі. За шматгадовую плённую працу, высокі прафесіяналізм, значны асабісты ўклад у развіццё сельскагаспадарчай вытворчасці і забеспячэнне высокіх вытворчых паказчыкаў яна аб’яўлена дырэктару філіяла «Сельскагаспадарчая вытворчасць “Газавік-Сіпакова”» РУП «Магілёўаблгаз» Вадзіму Гарбіну, намесніку гендырэктара РУП «Магілёўаблгаз» Уладзіміру Конанаву.