RU BY EN 中文
Twitter Instagram

Фінал абласнога каманднага турніру па праграмаванні адбудзецца 20 лістапада

Фінал абласнога каманднага турніру па праграмаванні CodingFest адбудзецца 20 лістапада. Пра гэта паведамілі ў Магілёўскім агенцтве рэгіянальнага развіцця.

Па словах кіраўніка праекта Святланы Януковіч, восеньскі конкурс стаў чаканым многімі профільнымі ўстановамі адукацыі, а з мінулага года ўнесены ў пералік стартап-мерапрыемстваў Міністэрства эканомікі. Тут пачынаючыя праграмісты могуць сустрэцца са спецыялістамі і атрымаць рэкамендацыі па створаным праграмным прадукце.

У завочным этапе юбілейнага пятага турніру прыняло ўдзел 15 праектаў. У фінал прайшло 9. Гэта работы школьнікаў з Краснаполля і Бабруйска, студэнтаў Беларуска-Расійскага ўніверсітэта і ўніверсітэта харчавання, навучэнцаў сацыяльна-гуманітарнага, будаўнічага і тэхналагічнага каледжаў. Тэматыка праектаў самая разнастайная: гульня з дапоўненай рэальнасцю, віртуальныя музеі, сацыяльны дадатак для падтрымкі валанцёрскага руху, аўтаматызаваны кантроль якасці зварачных работ і інш.

Арганізатарам турніру выступае Магілёўскае агенцтва рэгіянальнага развіцця пры падтрымцы камітэта эканомікі і галоўнага ўпраўлення па адукацыі Магілёўскага абласнога выканаўчага камітэта.

Традыцыйна партнёрамі і спонсарамі турніру выступаюць найбуйнейшыя IT-кампаніі Магілёва: EPAM, Artezio, AheadWorks, Awem, iTechart і IT-акадэмія «Шаг» (Бабруйск).

 

Праграма фіналу турнірупа праграмаванні CodingFest-5

Месца правядзення: інкубатар малога прадпрымальніцтва ААТ «Магілёўскае агенцтва рэгіянальнага развіцця» (Магілёў, б-р Юбілейны, 21, каворкінг-цэнтр)

09.30–10.00 Рэгістрацыя ўдзельнікаў, знаёмства і зносіны.

10.00–10.10 Адкрыццё турніру. Прывітальнае слова.

10.10–11.50 Майстар-класы ад экспертаў і ментараў.

«Дзесяць правілаў поспеху»

Ілья Макавецкі, дэкан эканамічнага факультэта МАУВА «Беларуска-Расійскі ўніверсітэт»

«Што такое франтэнд? Як стаць франтэнд-распрацоўшчыкам?»

Максім Мацвеенка, распрацоўшчык, EpamSystems

11.50–12.00 Кава-паўза.

12.00–12.30 Прадстаўленне экспертаў, ментараў. Прэзентацыя каманд удзельнікаў і ідэй праектаў.

12.30–14.00 Аб’яднанне ў праектныя групы. Абмеркаванне праектаў з ментарамі. Праца над праектамі. Дапрацоўка праектаў. Унясенне змяненняў у прэзентацыю. Кансультацыя ментараў (iTechArtGroup, Artezio, AwemGames, EpamSystems, Aheadworks).

14.00–15.30 Агульны збор удзельнікаў. Прэзентацыя праектаў экспертнаму журы.

15.30–16.00 Перапынак.

16.00–16.30 Закрыццё турніру. Абвяшчэнне вынікаў і ўзнагароджанне пераможцаў.

Пры выкарыстанні матэрыялаў актыўная гіперспасылка на mogilev-region.gov.by абавязковая