Фотавыстава «Мой родны кут» прадстаўлена ў Магілёве

Перасовачная фотавыстава «Мой родны кут», прымеркаваная да Года малой радзімы, працуе ў Магілёве. Пра гэта паведамілі ў дзяржаўным прадпрыемстве «Кінавідэапракат».

У фае кінатэатра «Радзіма» размешчана 30 здымкаў. «Гэта работы пераможцаў і лепшыя фотаздымкі ўдзельнікаў конкурсу «Мой родны кут», які праводзіла газета «СБ. Беларусь сегодня» сярод сваіх чытачоў, – удакладнілі суразмоўцы. – Тут прадстаўлены як прафесійныя фатографы, так і аматары. На сваіх здымках яны дзеляцца з гледачамі шчаслівымі момантамі, распавядаюць пра цудоўныя мясціны нашай краіны, пра людзей, якія жывуць у Беларусі».

Наведаць выставу, што пабывала ў многіх гарадах Сінявокай, магілеўчане і госці абласнога цэнтра могуць да 29 ліпеня.

Фота – дзяржаўнае прадпрыемства «Кінавідэапракат»