Футбольны манеж пабудуюць у Магілёве да канца гэтага года

У Магілёве да канца 2019 года з'явіцца футбольны манеж. Ён размесціцца на тэрыторыі гарадской СДЮШАР №7. Зялёны газон і апорныя канструкцыі прывезлі на васьмі грузавіках.

Акрамя гульнявога поля памерам 105 на 68 м, што адпавядае сусветным стандартам, у манежы будуць трыбуны на 500 месцаў і адміністрацыйна-бытавы корпус. Кошт праекта – Br4,2 млн.

Ужо ў чацвер тут запрацуюць будаўнічыя брыгады. Да сярэдзіны жніўня пачнуць слаць газон.

Плануецца, што ў снежні ў манежы згуляюць першы матч.

Па матэрыяле ТРК «Магілёў»