Рус Бел Eng 中文

Галоўная тэма АДІ ў ліпені - актуальныя пытанні павышэння якасці і даступнасці паслуг аховы здароўя

Адзіны дзень інфармавання, які пройдзе 19 ліпеня ў гарадах і раёнах Магілёўскай вобласці, будзе прысвечаны актуальным пытанням павышэння якасці і даступнасці паслуг аховы здароўя. Пра гэта карэспандэнту сайта паведамілі ў галоўным упраўленні ідэалагічнай работы і па справах моладзі аблвыканкама.

Кіруючыя работнікі аблвыканкама, яго структурных падраздзяленняў і абласных ведамстваў, якія ўваходзяць у склад інфармацыйных груп пад кіраўніцтвам членаў абласнога выканаўчага камітэта, а таксама члены інфармацыйных груп гар- і райвыканкамаў, адміністрацый Магілёва і Бабруйска выступяць у працоўных калектывах рэгіёна. Яны раскажуць пра забеспячэнне ўстаноў аховы здароўя медыцынскімі кадрамі, укараненне высокатэхналагічных метадаў лячэння, развіццё матэрыяльнай базы аховы здароўя, платныя медыцынскія паслугі, фармацэўтычны рынак і інш.

У якасці дадатковых будуць асвятляцца тэмы будаўніцтва жылля ў рэгіёне, дзяржаўнай падтрымкі грамадзян, якія маюць патрэбу ў паляпшэнні жыллёвых умоў. У сувязі з 80-годдзем, якое Прыдняпроўскі край святкуе сёлета, запланавана знаёмства са знакамітымі літаратарамі Магілёўшчыны.

Матэрыялы для членаў інфармацыйна-прапагандысцкіх груп

Пры выкарыстанні матэрыялаў актыўная гіперспасылка на mogilev-region.gov.by абавязковая