Галоўны рэжысёр Магілёўскага абласнога метадычнага цэнтра Наталля Маісеева стала «Чалавекам года ў сферы культуры» ў намінацыі «Клубная дзейнасць»

Галоўны рэжысёр Магілёўскага абласнога метадычнага цэнтра народнай творчасці і культурна-асветнай працы Наталля Маісеева стала пераможцай конкурсу «Чалавек года ў сферы культуры» ў намінацыі «Клубная дзейнасць». Пра гэта паведамляецца на сайце ўстановы культуры.

Наталля Маісеева – вядомы ў рэгіёне і за яго межамі рэжысёр. Яна з’яўляецца ўладальнікам спецыяльнай прэміі Магілёўскага абласнога выканаўчага камітэта «Чалавек года – 2012».

Конкурс «Чалавек года ў сферы культуры» праводзіцца з мэтай стымулявання творчай і дзелавой ініцыятывы работнікаў культуры, прапаганды інавацыйных ідэй і перадавога вопыту ў культурнай дзейнасці. Арганізатарамі творчага спаборніцтва выступаюць Міністэрства культуры і інфармацыі, абласныя выканаўчыя камітэты, Мінскі гарвыканкам, Беларуская канфедэрацыя творчых саюзаў.

Фота - Магілёўскі абласны метадычны цэнтр народнай творчасці і культурна-асветнай працы