Гандлёвыя аб’екты Магілёва завяршаюць падрыхтоўку да навагодніх святаў

Усе гандлёвыя прадпрыемствы Магілёва да 5 снежня будуць цалкам гатовыя да навагодніх святаў. Гэта тычыцца і знешняга выгляду і камплектацыі навагодняга асартыменту. Пра гэта расказаў начальнік упраўлення гандлю і паслуг Магілёўскага гарвыканкама Уладзімір Казусеў.

«Да 5 снежня ўсе гандлёвыя аб’екты горада будуць цалкам гатовыя да святаў. Зараз ідуць апошнія падрыхтоўкі па іх ўпрыгожванні. Важна стварыць у гараджан і гасцей Магілёва святочны настрой», – сказаў ён. «Што тычыцца навагодняга асартыменту, будзе прадстаўлены велізарны выбар. Мы сочым за тым, каб прапанаваная гандлёвая прадукцыя была актуальнай: навагоднія падарункі ад розных кандытарскіх фабрык, ёлачныя ўпрыгожванні, сувенірная прадукцыя. Усім гандлёвым пунктам рэкамендавалі прадумаць тэматычныя акцыі і зніжкі», – адзначыў Уладзімір Казусеў.

Сёлета для суб’ектаў гандлю горада не аб’яўлялі асобны конкурс на самае лепшае навагодняе афармленне. «Была перагледжана канцэпцыя гэтага конкурсу. У парку Падніколле вылучана 42 пляцоўкі, дзе ўсе буйныя прадпрыемствы і арганізацыі, а таксама аб’екты гандлю горада будуць ствараць цэлыя казачныя мястэчкі. Гэта будзе своеасаблівае спаборніцтва па ўпрыгожванні пляцовак. Мы звярнуліся да ўсіх індывідуальных прадпрымальнікаў і суб’ектаў дробнага рознічнага гандлю з прапановай упрыгожыць сваё працоўнае месца. Гэта дапаможа стварыць у горадзе святочную атмасферу», – дадаў начальнік упраўлення.

Усяго ў Магілёве працуе больш за 6 тыс. аб’ектаў рознічнага гандлю і грамадскага харчавання.

БЕЛТА