16.10.2020 - 09:57

Гарадскі суботнік абвешчаны ў абласным цэнтры 17 кастрычніка. Работы пройдуць у парку Падміколле, дзе жыхары Магілёва высадзяць дрэвы, як паведамілі ў гарвыканкаме.

У суботніку, які пачнецца ў 9.00, таксама прыме ўдзел кіраўніцтва гарвыканкама і гарадскога Савета дэпутатаў. У 10.00 прадстаўніцы Магілёўскай абласной арганізацыі «Беларускі саюз жанчын» высадзяць у парку алею «За Беларусь».

Дарэчы, гарадскі суботнік стане часткай месячніка па восеньскай пасадцы дрэў і кустоў, які праходзіць у Беларусі да 2 лістапада.