Рэзідэнцыя Дзеда Мароза адкрылася пад Бабруйскам у лагеры «Мара». Гасцей з усёй Магілёўскай вобласці тут прымаюць кожны дзень.

Прадстаўленне пачынаецца з шэсця коннікаў і разнастайных казачных персанажаў. Па дарозе на свята – песня пра ялінку. Пакуль у справу не ўступіць Баба Яга. У ролі Бабулі, дарэчы, мужчына, выкладчык харэаграфіі. Таму далей – танцы. І бадзёрым танцавальным крокам, разам з кікімарамі, – да галоўнай ёлкі.

Дзед Мароз са Снягуркай пасяліліся пад Бабруйскам упершыню. Адміністрацыя дзіцячага лагера «Мара» і работнікі Цэнтра дадатковай адукацыі дзяцей і моладзі Бабруйска (прычым усе, уключаючы вартаўніка) здолелі зрабіць абсалютна нефармальнае і вельмі вясёлае прадстаўленне.

ТРК «Магілёў»