ХК «Магілёў» пачаў выступленне ў Экстралізе з перамогі

У першым туры чэмпіянату Беларусі па хакеі ў Экстралізе А ХК «Магілёў» прымаў ХК «Нёман». Старт Магілёўскага хакейнага клуба атрымаўся сенсацыйным. Дэбютант Экстралігі перайграў больш тытулаванага суперніка 3:1. У складзе магілёўцаў шайбы закінулі Ілья Казьянін (форвард адзначыўся дублем) і Віктар Андрушчанка.

«Усе задаволеныя вынікам, задаволеныя гульнёй. Мы біліся адзін за аднаго. Выстаялі там, дзе трэба. Атрымалі велізарныя эмоцыі. Вельмі хацелі паказаць, што ў нас ёсць хакей. Вельмі хацелі перамагчы і паказаць нашым заўзятарам, што мы працуем. Кіраўніцтва горада таксама прыехала. І наогул, вельмі прыемна назіраць на трыбунах столькі гледачоў. Дзеля іх мы працуем і здабываем вось такія перамогі», – адзначыў Ілья Казьянін.

Сімвалічнае ўкідванне ў стартавым матчы сезону зрабіў старшыня Магілёўскага аблвыканкама Леанід Заяц. Пасля гульні кіраўнік рэгіёна павіншаваў каманду з яркай перамогай.

Фото, видео -  ХК Могилев