Рус Бел Eng 中文

Інклюзіўны кірмаш талентаў «Пад сузор’ем дабрыні» адбудзецца 5 снежня ў Бабруйску

Інклюзіўны кірмаш талентаў «Пад сузор’ем дабрыні», прымеркаваны да міжнароднага Дня інвалідаў, адбудзецца 5 снежня ў Бабруйску. Мерапрыемства збярэ людзей з асаблівасцямі, якія штодня наведваюць установы, грамадскія арганізацыі горада і рэгіёна.

«Кірмаш талентаў рэальна ўключае людзей з інваліднасцю ў актыўнае грамадскае жыццё нароўні з іншымі, што і азначае інклюзія, – адзначылі ў адміністрацыі тэрытарыяльнага цэнтра сацыяльнага абслугоўвання Першамайскага раёна горада Бабруйска, які выступае адным з арганізатараў мерапрыемства. – Людзі з інваліднасцю і творчыя калектывы Бабруйска нароўні выступяць на вялікай сцэне. Важным з’яўляецца і правядзенне творчага салона, які дазваляе людзям з абмежаванымі магчымасцямі адчуць сваю значнасць і заявіць пра свае поспехі».

Праграма інклюзіўнага кірмашу:

14.00–15.00 Работа творчага салона людзей з абмежаванымі магчымасцямі (выстава творчых работ).

15.00–17.00 Інклюзіўная канцэртная праграма з удзелам людзей з абмежаванымі магчымасцямі і творчых калектываў ДУК «Палац мастацтваў г. Бабруйска».

Уваход вольны. Гэта будзе цікава кожнаму, чалавеку любога ўзросту і сацыяльнага статусу!

 

Пры выкарыстанні матэрыялаў актыўная гіперспасылка на mogilev-region.gov.by абавязковая