Рус Бел Eng 中文

Інтэрнэт-каталог старых пахаванняў створаць у Магілёве

Даследаванні на магілёўскіх могілках праводзяць краязнаўцы і моладзь. Яны ствараюць адмысловы інтэрнэт-каталог старых пахаванняў.

Гэтым летам даследнікі працуюць на Васкрасенскіх (Лютэранскіх) могілках. Хоць яны і знаходзяцца ў цэнтры Магілёва, але амаль ніхто з гараджан пра іх не ведае. Мэта ўдзельнікаў экспедыцыі – перапісаць і сфатаграфаваць пахаванні, якія датуюцца 19 – пачаткам 20 стагоддзя.

На гэтых могілках шмат цікавых пахаванняў. Прозвішчы розныя: трапляюцца нямецкія і польскія. Вось, напрыклад, помнік Канстанціну Шалыгіну. Стацкі саветнік і доктар медыцыны памёр у 1902 годзе на Кубе, але на Магілёўшчыне ёсць тры помнікі на розных могілках, дзе ён адзначаны: канкрэтна тут – са сваёй маці.

Праца на могілках не вельмі лёгкая. Знайсці, расчысціць, падняць (калі хопіць сіл), памыць і паскрэбці, каб потым прачытаць надпіс. Вынікам працы павінен стаць інтэрнэт-каталог пахаванняў, з дапамогай якога сваякі змогуць адшукаць магілы сваіх продкаў.

ТРК «Магілёў»

 

Пры выкарыстанні матэрыялаў актыўная гіперспасылка на mogilev-region.gov.by абавязковая