Рус Бел Eng 中文

Калекцыі льнянога адзення прадпрыемстваў «Беллегпрама» пакажуць у Александрыі 11 ліпеня

Лімітаваныя калекцыі льнянога адзення прадпрыемстваў «Беллегпрама» пакажуць у Александрыі 11 ліпеня, паведамілі ў прэс-службе канцэрна.

На малой сцэне Рэспубліканскага свята «Александрыя збірае сяброў» прадэманструюць прадукцыю ААТ «Цэнтр Моды» (калекцыя «Варажэя», дызайнер – Антон Ярошчык) і Аршанскага льнокамбіната ў калабарацыі з дызайн-цэнтрам ААТ «Камволь» (калекцыя «Позірк», дызайнер – Эльвіра Жвікава).

Калекцыя «Варажэя» прысвячаецца беларускім дзяўчатам і жанчынам, якія заўсёды славіліся сваёй прыгажосцю. «Іх прыгажосць натуральная, гарманічная з прыродай, таму для калекцыі быў абраны лён – спрадвечна беларускі матэрыял, чысты, натуральны, здольны падкрэсліць унікальную прыродную прывабнасць беларусак», – расказалі ў прэс-службе.

Калекцыя «Позірк» дэкараваная прынтамі ўнікальнага беларускага мастака-прымітывіста XX стагоддзя Алены Кіш. «У вырабах злучыліся фантазійныя, казачныя працы мастачкі з прастатой і прыроднай прыгажосцю лёну», – падкрэслілі ў канцэрне. Дэфіле адбудзецца ў 16.40 і стане атмасферным пралогам да цырымоніі адкрыцця свята.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая