Каля 4 тыс. саджанцаў хуткарослых дрэў высадзяць каля СЭЗ «Магілёў»

Працоўная акцыя па пасадцы дрэў пройдзе 25 верасня ў раёне паўднёвага прамысловага вузла Магілёва. Пра гэта карэспандэнту сайта паведамілі ў адміністрацыі СЭЗ «Магілёў».

Пры падтрымцы і ўдзеле Вільчыцкага доследна-вытворчага лясніцтва ДЛГУ Магілёўскі лясгас, супрацоўнікаў адміністрацыі свабоднай эканамічнай зоны і валанцёраў ад кампаній-рэзідэнтаў будзе высаджана каля 4 тыс.саджанцаў дрэў лісцяных і іглічных парод. Пасадачны матэрыял набыты рэзідэнтамі СЭЗ «Магілёў» ЗТАА «ВМГ»і ЗТАА «Мебелаін».

«Падобныя акцыі праводзяцца на рэгулярнай аснове і служаць мэтам фарміравання адказных і беражлівых адносін грамадства да прыроды, а таксама аказваюць комплекснае станоўчае ўздзеянне на экасістэму паўднёвага раёна абласнога цэнтра», – падкрэслілі суразмоўцы.

Пачатак акцыі ў 12.00.