Каманда работнікаў сістэмы культуры Магілёўскай вобласці заняла 3 месца ў рэспубліканскай профільнай спартакіядзе. Спаборніцтвы праходзілі сярод зборных каманд структурных падраздзяленняў аблвыканкамаў і Мінскага гарвыканкама, якія ажыццяўляюць дзяржаўна-ўладныя паўнамоцтвы ў сферы культуры, Міністэрства культуры і падпарадкаваных ведамству дзяржарганізацый.

Наш рэгіён прадстаўлялі спецыялісты ўпраўлення культуры Магілёўскага аблвыканкама, устаноў культуры Бабруйска, Быхаўскага, Касцюковіцкага, Крычаўскага, Асіповіцкага раёнаў, арганізацый абласнога падпарадкавання. У ліку найбольш значных вынікаў зборнай Магілёўшчыны – 1 месца па перацягванні каната і 2-е – па міні-футболе. Па выніках спаборніцтваў у агульнакамандным заліку прадстаўнікі Прыдняпроўскага краю сталі трэцімі.

XIII Рэспубліканская спартакіяда работнікаў культуры праходзіла 13-14 верасня на базе Рэспубліканскага цэнтра алімпійскай падрыхтоўкі «Стайкі» (Мінскі раён). 14 каманд з усёй краіны спаборнічала ў 8 відах спорту – валейболе, міні-футболе, гіравым спорце, перацягванні каната, лёгкаатлетычным кросе, настольным тэнісе, дартсе.