Канцэртамі, велапрабегамі, флэшмобамі і конкурсамі адзначаць Дзень моладзі ў Магілёўскай вобласці. Святочныя мерапрыемствы стартуюць у рэгіёне 23 чэрвеня, паведамілі ў галоўным упраўленні ідэалагічнай работы і па справах моладзі аблвыканкама.
Разам ужо з традыцыйнымі моладзевымі мерапрыемствамі «Уладар сяла», якія, дарэчы, у гэтым годзе пройдуць у Круглянскім, Слаўгарадскім, Бабруйскім, Магілёўскім і Шклоўскім раёнах, запланаваны маштабныя і займальныя праграмы.
Так, у Бабруйску 28 чэрвеня пройдзе канцэрт з удзелам спявачкі Улады і яе шоу-групы «Лас-Вегас», дуэта баяністаў-віртуозаў «Ва-Банк», Аляксея Гроса, дыджэяў радыё «РОКС» і інш.), рок-гуртоў Бабруйска. Мясцовае радыё «ZefirFM» правядзе хіт-парад «Самыя салодкія хіты лета».
Парадам веласіпедыстаў адсвяткуюць Дзень моладзі ў Краснаполлі. 29 чэрвеня з дзяржаўнымі сцягамі і сцягамі грамадскіх арганізацый маладыя людзі праедуць па цэнтральных вуліцах горада. Чакаецца, што ў маляўнічым дзеянні прыме ўдзел каля 40 прадстаўнікоў навучэнскай і працоўнай моладзі, членаў ГА «БРПА» і ГА «БРСМ».
Падобны велапрабег пад назвай «Моладзь РУЛіць» будзе арганізаваны і ў Клічаве. Калона стартуе з плошчы 30-годдзя Перамогі і фінішуе ва ўрочышчы Розвань.
Хоцімскі раённы турзлёт-2019 пройдзе 28-29 чэрвеня ва ўрочышчы «Іванаўскі Гай». Асноўны акцэнт будзе зроблены на камандныя гульні і спаборніцтвы.
Акрамя таго, 27 чэрвеня ў Хоцімску і Слаўгарадзе адбудуцца паказы сучасных моладзевых кінафільмаў.
Конкурсы вадзіцельскага майстэрства «Аўталэдзі» 28 чэрвеня выявяць наймацнейшых у Чавусах, а 29 чэрвеня – у Глуску.
У Горацкім гісторыка-этнаграфічным музеі 29 чэрвеня запланавана цырымонія ўзнагароджання пераможцаў раённага літаратурнага конкурсу «Дарогі памяці жывыя», прысвечанага 75-годдзю з Дня вызвалення Рэспублікі Беларусь і Горацкага раёна ад нямецка-фашысцкіх захопнікаў.
Насычаная праграма рыхтуецца 30 чэрвеня і ў Крычаве. У райцэнтры арганізуюць спартыўныя спаборніцтвы сярод моладзі па армрэстлінгу, дартсе і шашках. Святочны настрой падтрымаюць конкурсныя і канцэртныя праграмы. Завяршальным акордам стане рок-фестываль мясцовых калектываў.
У Асіповічах 29 чэрвеня пройдуць гарадскія спаборніцтвы па картынгу. Акрамя таго, у гэты дзень адбудзецца раённы забег на дыстанцыю 1000 м, прысвечаны 75-годдзю вызвалення Беларусі ад нямецка-фашысцкіх захопнікаў. У межах апошняга мерапрыемства плануецца ўскладанне вянкоў і кветак да мемарыяльнага комплексу «Алея герояў».
Яркая і насычаная праграма святкавання Дня моладзі чакае жыхароў Магілёва. У абласным цэнтры 30 чэрвеня па вул. Крупскай, 133 адбудзецца адкрыццё варкаўт-пляцоўкі з паказальнымі выступленнямі маладых спартсменаў. На працягу дня ў розных кутках сталіцы Прыдняпроўскага краю пройдуць святочныя канцэрты. Напрыклад, шоу-праграму «Туса на 5+» прадставіць на плошчы Зорак ТРК «Магілёў». Гарадскі арт-фестываль моладзевых захапленняў «#ГородМолод» разгорнецца ў Камсамольскім скверы. Тут жадаючыя змогуць наведаць майстар-класы па сучаснай харэаграфіі, стрытдэнсе, фотаздымцы, этнарамёслах, сучасным выяўленчым мастацтве і інш. Веласіпедыстаў у 15.00 запрашаюць на велапрабег з элементамі гарадскога арыентавання па маршруце «Плошча Леніна – Палац культуры вобласці». У апошняй кропцы ў 17.00 на тэрыторыі фан-зоны II Еўрапейскіх гульняў пачнецца канцэрт. Не абыдзецца без фестывалю фарбаў Holi Lions і дыскатэкі.
Праграма святкавання Дня моладзі ў Магілёве
30 чэрвеня
11.00 – Моладзевая акцыя «Горад у рытме спорту», адкрыццё варкаўт-пляцоўкі
вул. Крупскай, 133
12.00–17.00 – канцэрт «Моладзевы MIX»
19.00–21.00 – святочная шоу-праграма ад тэлерадыёкампаніі «Магілёў» «Туса на 5+»
плошча Зорак
12.00–19.00 – гарадскі арт-фестываль моладзевых захапленняў «#ГородМолод»
Камсамольскі сквер
13.00–17.00 – фестываль фарбаў Holi Lions
Сквер 40-годдзя Перамогі
15.00–17.00 – велаквест і велапрабег «У рытме горада»
пл. Леніна, адкрытая пляцоўка каля ДУК «Палац культуры вобласці»
17.00–21.00 – канцэртная праграма на тэрыторыі фан-зоны II Еўрапейскіх гульняў
адкрытая пляцоўка каля ДУК «Палац культуры вобласці»
18.00–20.00 – вечар адпачынку пад духавы аркестр «В городском саду играет…»
Сквер 40-годдзя Перамогі
Святочныя канцэртныя праграмы на адкрытых пляцоўках горада
18.00–20.00
– «маладосць – час online» (вул.Прафсаюзная,21)
– «Люблю свой горад» (пр-т Шміта, 54а)
– «Агні маладога горада» (адкрытая пляцоўка ДК аўтазавода імя С. Кірава – філіяла ААТ «БелАЗ у г. Магілёве»).
Пры выкарыстанні матэрыялаў актыўная гіперспасылка на mogilev-region.gov.by абавязковая
04.04.2025 - 20:00
03.04.2025 - 19:40
02.04.2025 - 12:40
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га