Рус Бел Eng 中文

Канстытуцыйнае рэфармаванне і партыйнае будаўніцтва – тэма дыялогавай пляцоўкі ў Бабруйску

За круглым сталом сабраліся прадстаўнікі палітычных партый і грамадскіх аб’яднанняў.

Першы сакратар Бабруйскага гарадскога камітэта КПБ Юрый Васіленя:

– Дыскусія ў такім фармаце – добрая магчымасць абмяняцца думкамі палітычным партыям і грамадскім аб’яднанням, сфармуляваць ідэі па далейшым удасканаленні Канстытуцыі. Сёння былі ўнесены прапановы аб пашырэнні паўнамоцтваў для грамадскіх аб’яднанняў у плане выбарчай кампаніі выбараў дэпутатаў у Палату прадстаўнікоў. Гаворка ішла аб перадачы паўнамоцтваў кантралюючых функцый у больш пашыраным складзе дэпутатам Палаты прадстаўнікоў, уключаючы кантроль за бюджэтам, размеркаваннем фінансавання, нават перадачы часткі функцый дзяржкантролю. Яшчэ адно пытанне – неабходнасць пашырэння партыйных радоў, каб іх прадстаўніцтвы былі ва ўсіх гарадах і раёнах. Мы прапаноўвалі ўнесці папраўкі ў артыкулы 69 і 70 Канстытуцыі. Так, у артыкуле 69 гаворыцца: «Права вылучэння кандыдатаў у дэпутаты належыць грамадскім аб’яднанням, працоўным калектывам і грамадзянам». А дзе ж палітычныя партыі? Магчыма, нейкія новыя нормы можна ўнесці ў Канстытуцыю тэзісна, а нешта прапісаць у Законе аб палітычных партыях і арганізацыях.

Старшыня Савета Магілёўскай абласной арганізацыі ГА «Беларускі саюз афіцэраў» Аляксандр Вінаградаў:

– Актуальным лічу прыраўняць грамадскія аб’яднанні да палітычных партый, каб і яны маглі вылучаць ад сябе кандыдатаў у дэпутаты розных узроўняў. Паколькі я ўзначальваю абласную арганізацыю Беларускага саюза афіцэраў, то падняў пытанне аб такой папраўцы да артыкула 57 Канстытуцыі, каб да фармулёўкі «Абарона Рэспублікі Беларусь – абавязак і свяшчэнны доўг грамадзяніна» дадаць, што і служба ва Узброеных сілах – таксама абавязак. Такі варыянт дыскусій дазваляе сабраць найбольш канструктыўныя прапановы, якія ёсць у грамадстве і якія можна рэалізаваць шляхам унясення змяненняў у заканадаўства».

 

СБ

Пры выкарыстанні матэрыялаў актыўная гіперспасылка на mogilev-region.gov.by абавязковая