Карэспандэнт 1 кваліфікацыйнай катэгорыі аддзела падрыхтоўкі тэлевізійных праграм РУПРТЦ «Тэлерадыёкампанія “Магілёў”» – у ліку пераможцаў рэспубліканскага творчага конкурсу на самае лепшае асвятленне ў СМІ і на інтэрнэт-рэсурсах тэматыкі ўборачнай кампаніі «Жніво: і хлебам адзіныя». Сюжэт Таццяны Сяргейчык «Сямейны экіпаж» адзначаны дыпломам II ступені з намінацыі «Найлепшыя аўтарскія матэрыялы (відэасюжэты, рэпартажы, спецыяльныя праекты), якія выйшлі ў эфір рэгіянальных тэлевізійных або радыёвяшчальных СМІ».
На конкурс было прадстаўлена 86 работ, 78 з іх – рэгіянальнымі СМІ. Конкурсныя работы разглядаліся прафесійным журы, у складзе якога былі прадстаўнікі міністэрстваў інфармацыі, сельскай гаспадаркі і харчавання Рэспублікі Беларусь, факультэта журналістыкі БДУ і Беларускага саюза журналістаў.
Пры вызначэнні пераможцаў асноўнымі крытэрыямі з’яўляліся адпаведнасць зместу работ заяўленай тэматыцы, прафесіяналізм журналістаў у асвятленні пытанняў развіцця аграрнага комплексу краіны, фарміравання павагі да чалавека працы, яркіх дасягненняў падчас уборачнай – 2019, садзейнічанне выхаванню працавітасці ў моладзі на станоўчым прыкладзе найлепшых сямейных экіпажаў, працоўных калектываў.
Пры выкарыстанні матэрыялаў актыўная гіперспасылка на mogilev-region.gov.by абавязковая
20.02.2025 - 10:06
20.02.2025 - 09:41
20.02.2025 - 09:20
19.02.2025 - 18:17
Навуковыя распрацоўкі ў металургіі: беларуска-расійскія ініцыятывы