На пасяджэнні калегіі Камітэта дзяржкантролю Магілёўскай вобласці разгледжаны вынікі кантролю за выкананнем у Магілёве заканадаўства аб абыходжанні з хатнімі жывёламі. Паводле ацэнкі ведамства, у гэтай сферы маецца шэраг сур’ёзных недаглядаў, паведаміў першы намеснік старшыні камітэта Юрый Фралоў.

У ліку найбольш распаўсюджаных недахопаў – незабеспячэнне многімі ўладальнікамі сабак іх рэгістрацыі і, адпаведна, выплаты падатку за валоданне імі. Такім чынам, штогод бюджэт недаатрымлівае парадку Вг 70-100 тыс. Выяўлены масавыя парушэнні ўладальнікамі хатніх жывёл правілаў іх утрымання: выгул сабак без ланцужкоў і наморднікаў, у неўстаноўленых месцах, забруджванне навакольнага асяроддзя, прывад іх у гандлёвыя аб’екты, на дзіцячыя пляцоўкі. Таксама ў КДК лічаць, што ў горадзе не хапае месцаў для выгулу сабак, прафілактыка правапарушэнняў у сферы абыходжання з хатнімі жывёламі вядзецца недастаткова эфектыўна, не прымаюцца належныя меры па адлове безнаглядных жывёл. Акрамя таго, была звернута ўвага на недасканаласць асобных нормаў заканадаўства ў сферы абыходжання з хатнімі жывёламі.

Па выніках пасяджэння калегія КДК унесла дзяржаўным органам прапановы па навядзенні парадку ў сферы абыходжання з хатнімі жывёламі ў Магілёве, вывучэнні становішча спраў у іншых раёнах і гарадах вобласці, прыняцці мер рэагавання. Іх рэалізацыя ўзята на кантроль.