Кіраўніцтва і супрацоўнікі Магілёўскага аблвыканкама падчас суботніка зоймуцца азеляненнем тэрыторыі мікрараёна Казіміраўка

Кіраўніцтва і супрацоўнікі аблвыканкама падчас суботніка зоймуцца азеляненнем тэрыторыі Казіміраўкі. Кіраўнік рэгіёна Леанід Заяц, намеснікі старшыні аблвыканкама і старшыня абласнога Савета дэпутатаў Дзмітрый Харыточнік высадзяць 80 туй каля сярэдняй школы № 46, якая расчыніла дзверы для навучэнцаў у верасні гэтага года. Структурныя падраздзяленні аблвыканкама зоймуцца пасадкай у раёне аркі, пабудаванай у гонар 750-годдзя Магілёва (паварот на вул. Грунвальдскую). Плануецца, што тут з’явіцца больш за 900 новых дрэў і кустоў.

Прадстаўнікі грамадскіх арганізацый рэгіёна будуць наводзіць парадак у раёне Магілёўскай абласной бальніцы.

Працоўны дэсант абласнога цэнтра высадзіць дрэвы каля Фацінскага заліва, у парку Падніколля, каля вадаёма ля скрыжавання вуліц Першамайскай і Акцюбінскай. Там жа запланавана ўстаноўка малых архітэктурных формаў і спартыўнага абсталявання.

Работнікі Бабруйскага гарвыканкама, дэпутаты гарадскога і абласнога Саветаў дэпутатаў возьмуць удзел у пасадцы зялёных насаджэнняў у парку сямейных дрэў па вуліцы Сікорскага, уборцы ландшафтнага заказніка «Лукавая гара», працоўныя калектывы ўстаноў культуры будуць наводзіць парадак на тэрыторыі Бабруйскай крэпасці.

Актыўна падключацца да суботніка і рэгіёны. Так, у Касцюковіцкім раёне плануюць пасадзіць у гэты дзень 1,2 тыс. дрэў, а ў Круглянскім – каля 1,1 тыс. бяроз, клёнаў і ліп. Тут таксама навядуць парадак у парках і скверах, на прыдамавых участках у райцэнтры і на сяле. Паралельна пройдзе акцыя «Чысты лес-2019», падчас якой адбудзецца ўборка берагавой лініі працягласцю ад Круглага да вёскі Шупені.

У Мсціславе плануецца высадзіць 900 саджанцаў дрэў і 200 кустоў. Яны ўпрыгожаць тэрыторыю ля кагальнага калодзежа, парк Міру, мікрараён Паўднёва-Заходні. Пасадка дрэў таксама пройдзе ў аграгарадках, парку в. Каробчына, Пячкоўцы, Пустынках. Каля 100 саджанцаў з’явіцца на тэрыторыі каля магазіна «Сузор’е». Работнікі калектываў і арганізацый навядуць парадак на тэрыторыі каля Кургана Славы, на гарадскіх вуліцах, у дзіцячым скверы, у лясных масівах Мсціслаўскага і Ходасаўскага лясніцтваў.

У Горках зоймуцца пасадкай дрэў на вуліцах Фурманава, Вакзальнай, на пляцоўцы для выгулу сабак і каля дома па вул. Якубоўскага, 76. Далучыцца можа кожны. Для гэтага трэба патэлефанаваць па нумары 8 (02233) 7-64-49.

Абласны суботнік па азеляненні і навядзенні парадку на Зямлі пройдзе 19 кастрычніка на Магілёўшчыне. Асаблівую ўвагу нададуць пасадцы новых дрэў і кустоў, а таксама ўборцы і добраўпарадкаванню двароў, плошчаў, сквераў, вуліц, паркаў, зон адпачынку і іншых аб’ектаў сацыяльна-бытавога і культурнага прызначэння. Не застануцца без увагі тэрыторыі арганізацый незалежна ад формы ўласнасці.

Да добраўпарадкавання прывабяць супрацоўнікаў дзяржаўных ведамстваў, прадстаўнікоў прадпрыемстваў і арганізацый, працоўныя калектывы ўстаноў, школьнікаў і студэнтаў. Мясцовыя ўлады запрашаюць таксама жыхароў гарадоў і вёсак далучыцца да гэтай працы. «Для кожнага з нас важныя камфортныя ўмовы для жыцця. І сумеснымі намаганнямі мы зможам навесці парадак у сваім раёне, вёсцы, горадзе», – падкрэслілі ў аблвыканкаме.

Дарэчы, грамадзяне, якія жадаюць прыняць удзел у пасадцы дрэў і кустоў, могуць накіраваць заяўку па электроннай пошце ok_proos@mogilev.by або патэлефанаваць па нумары (80222) 64 78 89 (Магілёўскі абласны камітэт прыродных рэсурсаў і аховы навакольнага асяроддзя).