Кіраўнік КФХ «Новы быт» Шклоўскага раёна Аляксандр Канавалаў: на Усебеларускім сходзе буду гаварыць пра развіццё фермерства (відэа)

Аляксандр Канавалаў – кіраўнік сялянска-фермерскай гаспадаркі «Новы быт» Шклоўскага раёна. Ён адзін з прадстаўнікоў Магілёўскай вобласці на VI Усебеларускім народным сходзе.

Аляксандр нарадзіўся і вырас на вёсцы. Пачаў займацца фермерствам разам з бацькам яшчэ 30 гадоў таму. За гэты час «Новы быт» ператварыўся ў сур’ёзную гаспадарку. Праўда, бацька займаўся свінагадоўляй, а малады фермер загарэўся ідэяй разводзіць буйную рагатую жывёлу.

Канавалаў-малодшы – чалавек актыўны і тэму развіцця фермерскага руху ў Беларусі плануе абмеркаваць на Усебеларускім народным сходзе. Цяпер у Аляксандра ў гаспадарцы 350 кароў і бычкоў. Праз пару гадоў ён плануе сур’ёзна пашырыць дойны статак, сур’ёзна заняцца конегадоўляй. Вырошчваюць у «Новым быце» і бульбу, грэчку, збожжа.

ТРК «Магілёў»