Рус Бел Eng 中文

Кніга «Партизанские друкары Могилевщины: и словом, и пулей!» рыхтуецца да выхаду

Кніга «Партизанские друкары Могилевщины: и словом, и пулей!» ваеннага гісторыка Мікалая Барысенкі рыхтуецца да выхаду. Гэта першае сур’ёзнае дакументальна-публіцыстычнае выданне ў незалежнай Беларусі, якое расказвае пра жыццё партызанскіх журналістаў і пра ўмовы, у якіх друкавалі падпольныя газеты, улёткі.

Ужо гатова першая вёрстка кнігі «Партизанские друкары Могилевщины: и словом, и пулей!», прыкладна праз месяц 400 асобнікаў выйдзе ў свет. Паводле слоў аўтара Мікалая Барысенкі, пры зборы матэрыялаў упершыню адноўлены ўсе рэдактары падпольных партызанскіх газет. У кнізе расказана, у ліку іншага, аб партызанскіх знаходках па стварэнні сродкаў друку. Напрыклад, у канцы 1942 года і першай палове 1943 не хапала паперы. Партызаны прымудраліся даносіць сваё слова на бяросце. Кніга складаецца з 230 старонак, у ёй шмат ілюстрацый.

На днях выйшаў чарговы выпуск кнігі «Могилевский поисковый вестник», прысвечаны 75-годдзю вызвалення Беларусі ад нямецка-фашысцкіх захопнікаў, па выніках мінулагодніх экспедыцый абласнога гісторыка-патрыятычнага клуба «Віккру» і працы ў архівах. Магілёўская вобласць адзіная ў Беларусі, дзе выпускаецца падобная брашура. Гэта добры дапаможнік для гісторыкаў, педагогаў. 430 асобнікаў новага 13 -га выпуску, як і ранейшыя, паступяць у школы, бібліятэкі вобласці.

ТРК «Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая