Рус Бел Eng 中文

Коні ў поле – новы арт-аб’ект упрыгожыць старую сцяну на ўездзе ў Мсціслаў

Новы арт-аб’ект упрыгожыць сцяну майстэрні, размешчанай на ўездзе ў Мсціслаў з боку Капачоў. Малюнак пары бягучых коней па полі іван-чаю добра ўпішацца ў навакольны пейзаж.

Майстар Андрэй Сураў, які прадставіўся сціпла механікам Магілёўскага «Гарводаканала», ужо некалькі дзён працуе над карцінай. Ён расказаў, што гэта далёка не першая яго праца. Па заяўцы мясцовага водаканала ён падаў некалькі эскізаў, адзін з якіх зацвердзілі.

– У выбары эскіза я кіруюся навакольным асяроддзем, – растлумачыў Андрэй Сураў. – Улічваю пажаданні заказчыка. А самае галоўнае – малюнак павінны быць па душы самому. Тады ўсё атрымаецца.

Майстар будзе працаваць яшчэ некалькі дзён.

mstlife.by

Пры выкарыстанні матэрыялаў актыўная гіперспасылка на mogilev-region.gov.by абавязковая