RU BY EN 中文
Twitter Instagram

Конкурс аматарскай фатаграфіі «Чырвоны Крыж у асобах» стартаваў у Магілёўскай вобласці

Конкурс аматарскай фатаграфіі «Чырвоны Крыж у асобах» стартаваў у Магілёўскай вобласці. Пра гэта расказала намеснік старшыні абласной арганізацыі Беларускага таварыства Чырвонага Крыжа Жанна Мацвеева.

«Творчае спаборніцтва праводзіцца ўпершыню і нацэлена на тое, каб прыцягнуць увагу да дзейнасці валанцёраў БТЧК, падкрэсліць актуальнасць і важнасць іх працы, – адзначыла суразмоўца. – Мы запрашаем да ўдзелу фатографаў-аматараў з усяго рэгіёна, незалежна ад іх адукацыі, прафесіі і вопыту здымак. Прыём заявак працягнецца да 24 красавіка».

Конкурс пройдзе па трох намінацыях: «Будні валанцёра», «Найлепшая рэпартажная фатаграфія», «Валанцёрства як стыль жыцця». Арганізатары не абмяжоўваюць аўтараў друкаваных здымкаў памерам фота, а таксама дазваляюць выкарыстоўваць рэтуш і камп’ютарную апрацоўку. Кожны ўдзельнік можа заявіць не больш за адну фатаграфію ў намінацыі.

Даслаць працу ў электронным варыянце з пазнакай «Фотаконкурс» можна на электронную пошту volonter@gmail.com. У друкаваным выглядзе здымкі накіроўваюцца на адрас 212030, г. Магілёў, вул. Першамайская, 52 (з паметкай «Чырвоны Крыж. Фотаконкурс»).

У кожнай намінацыі да 1 мая будзе абрана па адным пераможцу. Найлепшыя з найлепшых атрымаюць дыпломы і памятныя падарункі. Акрамя таго, іх працы размесцяць на афіцыйных старонках БТЧК у сацыяльных сетках і будуць дэманстраваць на розных мерапрыемствах арганізацыі.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая