Конкурс на самую лепшую публікацыю экалагічнай тэматыкі праводзіць Магілёўскі абласны камітэт прыродных рэсурсаў і аховы навакольнага асяроддзя

Магілёўскі абласны камітэт прыродных рэсурсаў і аховы навакольнага асяроддзя запрашае ўсіх жадаючых прыняць удзел у конкурсе на самую лепшую публікацыю на экалагічную тэматыку.

Спаборніцтва праводзіцца ў намінацыі «Наш агульны дом», у якой прадстаўляюцца нарысы, артыкулы, рэпартажы, агляды, замалёўкі, нататкі і каментары аб асцярожных адносінах да прыроды, навядзенні парадку на зямлі, добраўпарадкаванні тэрыторый населеных пунктаў, абыходжанні з адходамі, ахове водных рэсурсаў, атмасфернага паветра, жывёльнага і расліннага свету, укараненні новых тэхналогій у галіне аховы навакольнага асяроддзя, захаванні помнікаў прыроды і іншыя матэрыялы па пытаннях аховы навакольнага асяроддзя і рацыянальнага выкарыстання прыродных рэсурсаў.

У конкурсе прымаюць удзел фізічныя асобы ў наступных катэгорыях:

• навучэнец;

• аматар;

• прафесіянал.

Да ўдзелу ў конкурсе дапускаюцца работы, апублікаваныя ў перыядычных друкаваных выданнях у перыяд з 15 мая 2018 года да 15 мая 2019 года.

Кожная работа, прадстаўленая на конкурс, суправаджаецца інфармацыйным лістом удзельніка конкурсу з указаннем намінацыі, катэгорыі, прозвішча, імя, імя па бацьку і ўзросту аўтара, паштовага адраса і тэлефона.

Конкурсныя работы павінны быць прадстаўлены ў выглядзе газетнай або часопіснай выразкі або ў выглядзе рукапіснага ці друкаванага тэксту з абавязковым указаннем назвы перыядычнага друкаванага выдання, у якім гэта праца была раней апублікавана, нумары і даты выпуску.

Асобы, якія прымаюць удзел у конкурсе, у тэрмін да 5 ліпеня 2019 года, накіроўваюць работы ў Магілёўскі абласны камітэт прыродных рэсурсаў і аховы навакольнага асяроддзя (паштовы адрас: 212026, г. Магілёў, вул. Арлоўскага, 24Б) з паметкай «На рэспубліканскі конкурс на самую лепшую публікацыю на экалагічную тэматыку».

Абласны этап конкурсу праводзіцца з 15 мая па 15 ліпеня – вызначаюцца найлепшыя работы на абласным узроўні.

Для арганізацыі, правядзення і падвядзення вынікаў першага этапу конкурсу ствараецца абласны арганізацыйны камітэт. Арганізацыйны камітэт выконвае таксама функцыі журы.

Пры разглядзе работ, прадстаўленых на конкурс, журы ўлічвае паўнату раскрыцця тэмы намінацыі, колькасць работ, выхаваўчую і грамадскую каштоўнасць публікацыі, яркасць і арыгінальнасць падачы матэрыялу.

Пераможцы вызначаюцца па найбольшай суме балаў, выстаўленых членамі журы па дзесяцібальнай сістэме.

Для ўзнагароджання пераможцаў першага этапу конкурсу ўстанаўліваецца па адной першай, адной другой і адной трэцяй грашовай прэміі ў намінацыі па кожнай катэгорыі ў наступных памерах:

• за першае месца – 6 базавых велічынь;

• за другое месца – 4 базавыя велічыні;

• за трэцяе месца – 3 базавыя велічыні.

Работы, якія занялі першае, другое і трэцяе месца ў першым этапе накіроўваюцца ў Мінпрыроды для ўдзелу ў другім (рэспубліканскім) этапе конкурсу.