RU BY EN 中文
Twitter Instagram

Конкурс відэаролікаў «Гэтых дзён не змоўкне слава» абвясціла Магілёўская абласная арганізацыя РГА «Белая Русь»

Конкурс відэаролікаў «Гэтых дзён не змоўкне слава» абвясціла Магілёўская абласная арганізацыя РГА «Белая Русь». Творчае спаборніцтва прымеркавана да 76-й гадавіны з дня Перамогі савецкіх войскаў над нямецка-фашысцкімі захопнікамі ў Вялікай Айчыннай вайне.

Да ўдзелу ў конкурсе запрашаюцца жыхары Магілёўскай вобласці розных узростаў. Важная ўмова – наяўнасць членскага білета РГА «Белая Русь» у самога ўдзельніка альбо яго блізкіх сваякоў.

Выкарыстоўваючы сучасныя тэхналогіі, у відэароліках працягласцю не больш за 60 секунд аўтары могуць паказаць бітвы і баі розных перыядаў вайны; абарону, вызваленне Магілёўскай вобласці і іншых гарадоў СССР; ушанаванне ветэранаў Вялікай Айчыннай вайны, іх уклад у станаўленне пасляваеннага грамадства; важнасць памяці аб тых страшных падзеях. Жанр (інтэрв’ю, рэпартаж, відэакліп, чэлендж і г. д.) вызначаюць самі ўдзельнікі.

Работы размяшчаюцца ў любой сацыяльнай сетцы, месенджары або відэахостынгу (ККантакце,Аднакласнікі, Instagram, Телеграм, ЦікТок з абавязковай паметкай у выглядзе хэштэга # 9маяБелаяРусь) , а спасылка накіроўваецца на электронны адрас: mogoblbr@mail.ru з указаннем тэмы ліста «Конкурс» і П. І. І, узросту, кантактаў.

Пераможцамі стануць аўтары трох найлепшых відэаролікаў. Іх узнагародзяць дыпломамі і каштоўнымі прызамі. Конкурс праводзіцца з 10 сакавіка па 26 красавіка 2021 года.

ПАЛАЖЭННЕ АБ КОНКУРСЕ ВІДЭАРОЛІКАЎ «Гэтых дзён не змоўкне слава», прысвечаным 76-й гадавіне з дня Перамогі савецкіх войскаў над нямецка-фашысцкімі захопнікамі ў Вялікай Айчыннай вайне

Рэд.

Пры выкарыстанні матэрыялаў актыўная гіперспасылка на mogilev-region.gov.by абавязковая