Лазневае свята «Лазенькі-2019», якое праходзіць падчас Х Міжнароднага музычнага фестывалю «Вялікая бард-рыбалка» 26-27 ліпеня, збярэ майстроў лазні з пяці краін: Беларусі, Расіі, Украіны, Літвы і Латвіі, паведамілі ў аргкамітэце мерапрыемства.
«Такая шырокая геаграфія і маштабны фармат лазневага свята ўпершыню прадставяць на бард-рыбалцы, – адзначыў яго арганізатар і кіраўнік першай лазневай школы Беларусі «Пар Мароза» Генадзь Мароз. – У гэтым годзе мы вырашылі яшчэ і аб'яднаць два асноўныя напрамкі, якія цесна ўзаемазвязаны паміж сабой, – паранне і масаж. У нас збяруцца вядучыя майстры гэтых рухаў. На вялікай лазневай паляне будзе прадстаўлена больш за дзясятак мабільных лазняў і розныя школы парання і масажу».
Жадаючых спазнаць сутнасць лазневых працэдур і тэхналогій чакаюць лекцыі, майстар-класы і яркія тэатралізаваныя паказальныя выступленні. Тут раскажуць аб гарманізацыі рабочай прасторы, пазнаёмяць з асновамі класічнага парання, касметалогіі ў лазні, асаблівасцямі арганізацыі дзіцячай і жаночай лазняў, навучаць правільна вязаць венікі. Удзельнікі свята даведаюцца аб варыянтах выкарыстання эфірных алеяў, падрыхтоўцы скрабаў на аснове траў, кветак, глін і іншых натуральных кампанентаў.
Міжнародны спартыўна-аздараўленчы цэнтр «Магавей» (Мінск) прадставіць праграму «Ладка вібрацыйна-гукавым венікам», арганізатары лазневай паляны правядуць конкурс-агляд скрабаў для лазні і розныя практыкумы па паранні. А атрымаць энергію дапаможа зарадка па рускай аздараўленчай сістэме «Белаяр». З раніцы і да позняга вечара таксама будуць праводзіцца паранні майстрамі ў лазнях, на якія ўжо вядзецца запіс, паколькі жадаючых шмат.
«Вялікая бард-рыбалка» стартавала ў 2010 годзе і стала візітоўкай музычна-фестывальнага жыцця Магілёўскай вобласці. За 9 гадоў форум наведалі больш за 15 тыс. гледачоў, музыкаў і артыстаў з 14 краін: Беларусі, Расіі, Украіны, Малдовы, Польшчы, Славакіі, Германіі, Чэхіі, Ізраіля, ЗША, Літвы, Латвіі, Італіі, Балгарыі.
Генеральны партнёр праекта – ААТ «Магілёўскі мясакамбінат», афіцыйны партнёр – булачна-кандытарская кампанія «Дамачай», інфармацыйныя партнёры – БЕЛТА, «СБ. Беларусь сегодня», «Альфа Радыё», тэлеканал СТВ, тэлерадыёкампанія «Магілёў» і інфармацыйнае агенцтва «Магілёўскія ведамасці».
Пры выкарыстанні матэрыялаў актыўная гіперспасылка на mogilev-region.gov.by абавязковая
31.03.2025 - 12:28
Аляксей Шарай зацверджаны на пасадзе старшыні Крычаўскага райвыканкама
21.03.2025 - 11:05
У Бабруйску «Белая Русь» распрацоўвае маршрут экскурсіі да 80-годдзя Вялікай Перамогі
21.03.2025 - 10:15
20.03.2025 - 14:38
Леанід Заяц: «У Беларусі робіцца ўсё, каб нашыя людзі жылі камфортна, бяспечна, больш забяспечана»
17.03.2025 - 11:27
У Асіповіцкім гарнізоне здалі чарговы арэндны дом для вайскоўцаў