Магілёўцаў запрашаюць 9 Мая прыняць удзел у акцыі «Беларусь памятае»

Магілёўскі гарвыканкам запрашае прадпрыемствы, арганізацыі і гараджан прыняць удзел у акцыі «Беларусь памятае», закліканай захаваць памяць аб Вялікай Айчыннай вайне і тых, хто, не шкадуючы жыцця, змагаўся за вызваленне Радзімы.

Кожны жадаючы можа зрабіць транспаранты з фотаздымкамі абаронцаў роднай зямлі, якія не дажылі да памятнай даты.

Удзельнікі акцыі пройдуць калонай падчас параду Перамогі па галоўнай вуліцы Магілёва са здымкамі франтавікоў, якія ваявалі ў гады Вялікай Айчыннай вайны або «кавалі» перамогу ў тыле.

Збор жадаючых прыняць удзел у шэсці плануецца 9 мая з 9.00 каля знака «Нулявы кіламетр» на плошчы Леніна.

Тэлефон для дадатковай інфармацыі – 22 46 60.