Магілёўцаў запрашаюць да прагляду фестывальнага кіно

Магілёўскае дзяржаўнае прадпрыемства «Кінавідэапракат» запрашае на фестывальнае кіно ў бліскучым выкананні зорак сусветнага кінематографа. Увазе гледачоў прадстаўлены кінакарціны – удзельнікі і намінанты міжнародных кінафестываляў: Венецыянскага і Берлінскага, у Мельбурне і Таронта.

У праграме заяўлены чатыры стужкі: «Тры сэрцы», «Рамантыкі “303”», «Мая спадарыня», «Вышэйшае грамадства». Кінапаказы пройдуць у кінатэатры «Радзіма» (малая зала) з 23 па 29 ліпеня.

Фільм «Тры сэрцы» (Францыя, Германія, Бельгія, 16+) рэжысёра Бенуа Жако – варыяцыя на вечную тэму кахання і спляцення лёсаў з удзелам знакамітай французскай актрысы Катрын Дэнёў і яе дачкі, французска-італьянскай актрысы Каяры Мастраяні.

Правакацыйную гісторыю кахання гледачы ўбачаць у кінакарціне рэжысёра Стывена Лэнса «Мая спадарыня» (Аўстралія, 18+). Галоўную ролю выканала прызёр міжнародных кінафестываляў Эмануэль Беар.

Дасціпны і рамантычны фільм-падарожжа пра шчасце быць маладым – «Рамантыкі “303”» (Германія, 16+) аднаго з найлепшых рэжысёраў сучаснага нямецкага кіно Ханса Вайнгартнера. Фільм удзельнічаў ў пазаконкурснай праграме «Чалавечыя камедыі» на 25-м Мінскім міжнародным кінафестывалі «Лістапад». У галоўных ролях – Мала Эмдэ, Антон Спікер.

Кінакарціна «Вышэйшае грамадства» (Вялікабрытанія, Францыя, Польшча, Германія, 18+) рэжысёра Клеры Дэні, яркай прадстаўніцы сучаснага аўтарскага кіно Францыі, у мінулым годзе прыняла ўдзел у пікантнай праграме Мінскага міжнароднага кінафестывалю «Лістапад» – «Колер ночы». Карціна стала першым англамоўным фільмам рэжысёра пасля 13 мастацкіх фільмаў на французскай мове. У галоўнай ролі – прызёр міжнародных кінафестываляў Роберт Пацінсан.

У рэпертуары магчымыя змены. Інфалінія: 42-19-49 (каса).