RU BY EN 中文
Twitter Instagram

«Магілёўхімвалакно» працуе пры поўнай загрузцы вытворчасці – намеснік гендырэктара

«Магілёўхімвалакно» працуе пры поўнай загрузцы вытворчасці. Пра гэта паведаміў намеснік генеральнага дырэктара па ідэалагічнай працы, кіраванні персаналам і сацыяльных пытаннях Віталь Зянькоў.

«Прадпрыемства працуе пры поўнай загрузцы вытворчасці. У нас працуе 5,3 тыс. чалавек, і ўсе разумеюць меру адказнасці, ускладзеную на калектыў. Мы ні на дзень не спынілі вытворчасць, своечасова і ў поўным аб’ёме выплачваем заработную плату, – адзначыў Віталь Зянькоў. – У нас зладжаны і адказны калектыў, які разумее, што ў неспакойны час неабходна захоўваць разважлівасць».

Па словах намесніка генеральнага дырэктара, у першым паўгоддзі магілёўскае прадпрыемства спрацавала без страт. На экспарт было пастаўлена тавараў больш чым на $74 млн, экспарт паслуг за паўгода склаў звыш $2 млн. Усяго на экспарт пастаўляецца больш за 60% прадукцыі ў 30 краін. «Мы нарошчваем аб’ёмы прадукцыі. За 6 месяцаў бягучага года на 19% павялічыўся экспарт у натуральным выражэнні ў параўнанні з такім жа перыядам мінулага года. Тэмп росту асноўнай прадукцыі (валакно і ніткі) у бягучым годзе склаў больш за 138%, а агульны аб’ём вытворчасці ў натуральным выражэнні перавысіў Br270 млн», – адзначыў Віталь Зянькоў.

«Высокія вынікі працы прадпрыемства – заслуга ўсяго калектыву. Адказны і разважны падыход супрацоўнікаў, граматнае кіраўніцтва і ўменне правільна расстаўляць прыярытэты – усё гэта дазваляе «Магілёўхімвалакно» не зніжаць тэмп працы», – падкрэсліў Віталь Зянькоў.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая