Рус Бел Eng 中文

Магілёўскай вобласці цікавы вопыт латвійскіх рэгіянальных цэнтраў развіцця ў падтрымцы мясцовых ініцыятыў

Магілёўскай вобласці цікавы латвійскі вопыт падтрымкі рэгіянальных ініцыятыў. На гэта звярнуў увагу старшыня Магілёўскага абласнога Савета дэпутатаў Дзмітрый Харытончык падчас сустрэчы са старшынёй Валкскай краёвай думы, старшынёй праўлення латвійскіх рэгіянальных цэнтраў развіцця Вентсам Армандсам Краўклісам.

Акрамя таго, па словах Дзмітрыя Харытончыка, дэпутатам нашага рэгіёна будзе карысна азнаёміцца з асноўнымі пазіцыямі планаванай да правядзення адміністрацыйна-тэрытарыяльнай рэформы Латвіі, якая прадугледжвае значнае скарачэнне колькасці самакіраванняў.

Бакі сышліся ў меркаванні аб неабходнасці развіваць і ўмацоўваць існуючыя напрамкі супрацоўніцтва. І асновай для гэтага павінны стаць міжрэгіянальныя сувязі і абмен дэлегацыямі бізнесменаў.

Вентс Армандс Краўкліс заўважыў, што латвійскія прадпрымальнікі асцерагаюцца інвеставаць у Беларусь, паколькі з даўніх часоў існуе перакананне аб ненадзейнай абароне ўкладанняў. У сваю чаргу Дзмітрый Харытончык заўважыў, што ў госця будзе рэальная магчымасць азнаёміцца з прадпрыемствамі замежных партнёраў, якія паспяхова развіваюць свой бізнес на тэрыторыі Магілёўскай вобласці, у прыватнасці, у СЭЗ «Магілёў». Названая зона прапануе выгадныя ўмовы, у тым ліку значныя падатковыя льготы для інвестараў.

«Супрацоўніцтва – гэта не спрынт, а марафон. І вынікі могуць быць бачныя праз працяглы час, – заўважыў Вентс Армандс Краўкліс. – Давер павінен будавацца на інфармаванні, да якога важна падключыць СМІ. Дэманстрацыя ўдалых прыкладаў партнёрства, паспяховых сумесных праектаў можа стаць важным крокам на шляху развіцця нашых узаемаадносін».

Пры выкарыстанні матэрыялаў актыўная гіперспасылка на mogilev-region.gov.by абавязковая