Рус Бел Eng 中文

Магілёўская арт-каманда па футболе пазмагаецца ў юбілейным матчы з юнацкай зборнай навучэнцаў устаноў адукацыі горада

Магілёўская футбольная каманда «Днепр Stars», у склад якой уваходзяць артысты, работнікі рэгіянальнага тэлебачання, фатографы і прадстаўнікі іншых творчых прафесій, правядзе юбілейны матч 31 мая на стадыёне «Спартак». Супернікам арт-суполкі стане юнацкая зборная каманда навучэнцаў устаноў адукацыі горада на Дняпры. Гульню прымяркуюць да Дня абароны дзяцей.

Мерапрыемства ўключае не толькі захапляльную гульню, але і гала-канцэрт з удзелам зорак беларускай эстрады. Плануецца забаўляльная праграма да пачатку матчу (фотазоны, аквагрым, шоу салодкай ваты, вулічны тэатр на хадулях, розыгрышы прызоў, падарункаў і інш.).

Пачатак – у 18.00. Уваход вольны.

Магілёўская арт-каманда па футболе «Днепр Stars» арганізавана ў 2009 годзе. Дружына – часты ўдзельнік не толькі абласных, але і рэспубліканскіх культурна-спартыўных мерапрыемстваў.

Пры выкарыстанні матэрыялаў актыўная гіперспасылка на mogilev-region.gov.by абавязковая