Рус Бел Eng 中文

Магілёўская гарадская капэла адкрые новы канцэртны сезон праграмай да 75-годдзя вызвалення Беларусі ад нямецка-фашысцкіх захопнікаў

Магілёўская гарадская капэла 6 верасня адкрые новы канцэртны сезон праграмай, прысвечанай 75-годдзю вызвалення Беларусі ад нямецка-фашысцкіх захопнікаў. Пра гэта паведамілі ва ўстанове культуры.

У праграме прагучаць «Гераічная» сімфонія Людвіга ван Бетховена і кантата «Stabat Mater dolorosa» («Стаяла маці журботная») Карла Джэнкінса. Выканаюць маштабныя творы сімфанічны аркестр і хор капэлы пад кіраваннем Сяргея Лішчанкі.

Канцэрт пачнецца а 18.30 у Магілёўскім гарадскім Цэнтры культуры і вольнага часу (вул. Першамайская, 34). Даведкі па тэлефонах: 8 (0222) 64-44-98, 8 (0222) 64-22-43.

Пры выкарыстанні матэрыялаў актыўная гіперспасылка на mogilev-region.gov.by абавязковая