Магілёўскі абласны мастацкі музей імя П. В. Масленікава падрыхтаваў інтэрактыўную праграму да міжнароднага Дня мастака

Магілёўскі абласны мастацкі музей імя П. В. Масленікава падрыхтаваў інтэрактыўную праграму да міжнароднага Дня мастака. Пра гэта паведамілі ва ўстанове культуры.

З 11.00 да 19.00 7 снежня тут будуць праходзіць экскурсіі па карціннай галерэі, квэст «Знайдзі суперрарытэт!», гульні, будзе працаваць творчая майстэрня «Я – мастак!». Арганізатары свята падрыхтавалі віктарыну «Шэдэўры сусветнага мастацтва». Наведвальнікі змогуць азнаёміцца з выставай беларускіх мастакоў «Душа жывая акварэлі...», пабываць у кіназале і ўбачыць эксклюзіўныя фільмы пра мастакоў і мультфільмы. Дзецям нанясуць аквагрым і прапануюць сабраць пазл.

Праграма разлічана на 1,5–2 гадзіны. Даведкі па тэлефоне: (80222) 31 04 25.

Міжнародны дзень мастака зацверджаны ў 2007 годзе Міжнароднай асацыяцыяй «Мастацтва народаў свету». Майстры пэндзля і графічнага планшэта адзначаюць сваё прафесійнае свята 8 снежня.