Магілёўскі цяжкаатлет Сяргей Шаранкоў стаў чэмпіёнам Еўропы да 17 гадоў з пяццю сусветнымі рэкордамі

У Эйлаце (Ізраіль) прайшло першынство Еўропы па цяжкай атлетыцы. Магілёвец Сяргей Шаранкоў выйграў залаты медаль сярод юнакоў да 15 і 17 гадоў у вагавой катэгорыі 89 кг з вынікам 357 кг (165 + 192) у суме дваябор’я. У рыўку ў першай спробе наш атлет без цяжкасці вырваў штангу вагой 155 кг. У другім падыходзе Сяргею скарыліся 162 кг. У трэцім падыходзе юнак упэўнена справіўся з вагой 165 кг. Па выніках рыўка заваяваў залаты медаль, у другім і трэцім падыходах устанавіў сусветныя рэкорды сярод юнакоў да 17 гадоў, рэкорды Еўропы, нацыянальныя рэкорды сярод юнакоў да 17 гадоў, сярод юніёраў.

У штуршку ў першым падыходзе юнак штурхнуў штангу вагой 185 кг. Другая спроба на 192 кг таксама апынулася ўдалай. У заключным падыходзе наш спартсмен не здолеў справіцца з вагой штангі 198 кг. Па выніках другога практыкавання заваяваў золата, у другім падыходзе ўстанавіў сусветны рэкорд сярод юнакоў да 17 гадоў, рэкорд Еўропы, нацыянальны рэкорд сярод юнакоў да 17 гадоў, сярод юніёраў у штуршку, а таксама 2 рэкорды свету, 2 рэкорды Еўропы і 3 нацыянальныя рэкорды сярод юнакоў да 17 гадоў, сярод юніёраў у суме дваяборства.

По матэрияле weightlifting.by