Рус Бел Eng 中文

Магілёўскі СК «Алімпіец» 10 лютага прыме матч 1/8 еўрапейскага Кубка выкліку

У Магілёве 10 лютага адбудзецца гульня 1/8 фіналу мужчынскага розыгрышу еўрапейскага Кубка выкліку. Пра гэта карэспандэнту сайта паведамілі ва ўпраўленні спорту і турызму аблвыканкама.

На паркеце СК «Алімпіец» у 17.00 пачнецца сустрэча паміж Магілёўскім клубам «Машэка» і бельгійскім «Візе». Квіткі на матч можна набыць у касе спарткомплексу. Кошт – Br2.

Гульня ў адказ адбудзецца 17 лютага ў Бельгіі.

Нагадаем: «Машэка» паспяхова стартаваў у розыгрышы Кубка выкліку. Абодва матчы 2-га кваліфікацыйнага раўнда супраць грэчаскага «Аэропаса» магілёўцы праводзілі ў родным горадзе на пляцоўцы спарткомплексу «Алімпіец» і перамаглі – 24:20 і 31:24. У барацьбе за выхад у 1/8 «Машэка» двойчы быў мацнейшым за балгарскі «Дабруджы» – 23:47 і 34:25.

Пры выкарыстанні матэрыялаў актыўная гіперспасылка на mogilev-region.gov.by абавязковая