На ўборцы ўраджаю два маладыя кіроўцы перавезлі больш за 4 тыс. т збожжа, як паведаміла загадчыца аддзела праектнай дзейнасці Цэнтральнага камітэта БРСМ Аляксандра Лугаўская.

«243 маладыя кіроўцы перавезлі 1 тыс. т і больш намалочанага збожжа, 58–больш за 2 тыс. т, 10–звыш 3 тыс. т і 2 – больш за 4 тыс. т. Сярод моладзевых экіпажаў вызначылася 315 тысячнікаў, 42 двухтысячнікі, 6 трохтысячнікаў і 2 чатырохтысячнікі, – расказала Аляксандра Лугаўская. – У лідарах–моладзевы экіпаж Леаніда Аляксеенкі і Сяргея Каўбасава з СПФ «Заазер’е» ААТ «Віцебскі мясакамбінат», які намалаціў 4304 т збожжа. Сярод маладых вадзіцеляў найлепшым з’яўляецца Павел Ціханаў з ААТ «Амкадор-Шклоў», які перавёз 4805 т збожжа. У Брэсцкай, Гродзенскай і Мінскай абласцях моладзевыя экіпажы і маладыя вадзіцелі ўборачную кампанію ўжо завяршылі».

На палях у кожным рэгіёне ўшаноўваюць маладых лідараў і ўручаюць ім дыпломы і вымпелы. Тэрытарыяльныя арганізацыі БРСМ накіруюць бацькам дзяцей падзячныя лісты.

БРСМ выступае арганізатарам рэспубліканскага праекта «Моладзь – за ўраджай». Спаборніцтвы праходзяць у намінацыях «Моладзевы экіпаж камбайнераў, які дасягнуў найбольшага намалоту» і «Малады кіроўца, які перавёз найбольшую колькасць збожжа». Праект прадугледжвае комплексную інфармацыйную кампанію на афіцыйных інтэрнэт-рэсурсах БРСМ, у групах моладзевай арганізацыі ў сацыяльных сетках пад хэштэгамі #моладзьзаўраджай, #жнівобеларусі2020, #малаярадзіма.

БЕЛТА