Малако магілёўскай «Бабушкиной крынки» ў лютым будзе адгружана для паставак на рынак кітайскай правінцыі Цзянсу. Пра гэта паведамілі ў Генеральным консульстве Беларусі ў Шанхаі.
Дамоўленасці аб дадзеных пастаўках малака былі дасягнуты падчас узаемных візітаў губернатараў правінцыі Цзянсу і Магілёўскай вобласці ў верасні і лістападзе 2018 года. Пытанні рэалізацыі гэтых дамоўленасцяў былі ў цэнтры ўвагі на сустрэчы 29 студзеня ў Генеральным консульстве Беларусі ў Шанхаі прадстаўнікоў ААТ «Бабушкина крынка» і цзянсускіх кампаній Jiangsu Cereals, Oils & Foodstuffs і Suguo Supermarket.
Паводле вынікаў перагавораў, у якіх таксама прынялі ўдзел Генеральны консул Валерый Мацэль і консул Максім Іоська, бакі дамовіліся аб накіраванні ў лютым у горад Нанкін (адміністрацыйны цэнтр правінцыі) першага кантэйнера пітнога стэрылізаванага малака «Бабушкиной крынки». Прадукцыю плануецца рэалізаваць праз гандлёвыя сеткі кампаніі Suguo Supermarket.
Пры выкарыстанні матэрыялаў актыўная гіперспасылка на mogilev-region.gov.by абавязковая
12.01.2021 - 15:25
11.01.2021 - 11:51
Новы рэзідэнт СЭЗ «Магілёў» плануе займацца выпускам пелет прэміум класа і індустрыяльных
30.12.2020 - 10:03
У Беларусі ствараецца сістэма адсочвання тавараў, якія вырабляюцца, экспартуюцца і імпартуюцца
23.12.2020 - 10:20