Рус Бел Eng 中文

Міні-палігоны ЦКА ў Магілёўскай вобласці цалкам закрыюць да канца 2021 года

Міні-палігоны цвёрдых камунальных адходаў у Магілёўскай вобласціплануюць цалкам закрыць да канца наступнага года. Замест іх пабудуюць тры рэгіянальныя палігоны. Пра гэта расказаў інспектар Магілёўскага абласнога камітэта прыродных рэсурсаў і аховы навакольнага асяроддзя Анатоль Бамбізаў. Пакуль у нашым рэгіёне застаецца 60 міні-палігонаў ЦКА. За пяць гадоў іх колькасць скарацілася ў 2,5 разы.

Згодна з канцэпцыяй стварэння рэгіянальных палігонаў ЦКА, на Магілёўшчыне плануюць пабудаваць тры такія пляцоўкі. Да 2022 года рэгіянальны палігон павінен з’явіцца ў Бабруйскім раёне, да 2025 года – у Магілёўскім і да 2028 года – у Крычаўскім раёне.

Сартаванне смецця, якое паступае на рэгіянальныя палігоны, будуць праводзіць прама на месцы. «Менавіта на гэтых міжрэгіянальных пляцоўках будуць пабудаваны смеццеперапрацоўчыя заводы, як у Магілёве, каб усе гэтыя адходы праходзілі праз сартаванне», – удакладніў Анатоль Бамбізаў.

«Радыё Магілёў»

 

Пры выкарыстанні матэрыялаў актыўная гіперспасылка на mogilev-region.gov.by абавязковая