Міністэрства аховы здароўя перагледзела падыходы да назірання за кантактамі інфікаваных COVID-19

Міністэрства аховы здароўя перагледзела падыходы да назірання за пацыентамі, якія з’яўляюцца кантактамі інфікаваных COVID-19, паведаміла намеснік міністра аховы здароўя Алена Богдан.

Міністэрства аховы здароўя прааналізавала выяўленне каранавіруснай інфекцыі ў пацыентаў, якія адносяцца да кантактаў першага і другога узроўняў. «Мы правялі дэталёвы аналіз, які паказаў, што ў кантактаў першага ўзроўню захворванне выяўляецца на 2–5-ы дзень. Таму на 6–7-я суткі будзе выкананы аналіз на каранавірусную інфекцыю, пры атрыманні адмоўнага выніку пацыента выпішуць дадому. Але мы будзем яго прасіць выконваць меры самаізаляцыі да 14 дзён», – сказала Алена Богдан.

Таксама прынята рашэнне аб тым, што кантакты другога ўзроўню пры развіцці ў іх вострых рэспіраторных захворванняў будуць шпіталізавацца, абследавацца на COVID-19. Пры атрыманні адмоўнага выніку і адсутнасці пагаршэння стану здароўя іх выпішуць дадому для працягу лячэння.

Акрамя таго, вырашана тэставаць (на сёння магчымасці дазваляюць гэта) на COVID-19 усіх пацыентаў з пнеўманіямі не толькі цяжкай, але і сярэдняй ступені цяжкасці. Гэтыя меры накіраваны на тое, каб максімальна выявіць пацыентаў, у якіх можа быць каранавірусная пнеўманія.

БЕЛТА