Моладзь Магілёўскай вобласці запрашаюць да ўдзелу ў конкурсе праектаў «Yes, you!»

Цэнтр гарадскіх ініцыятыў запрашае моладзь Магілёва і вобласці ад 14 да 35 гадоў прыняць удзел у конкурсе праектаў «Yes, you!», які пройдзе ў кастрычніку–лістападзе.

Ініцыятывы могуць быць звязаныя з наступнымі напрамкамі:

•        Медыя

•        Культура

•        Экалогія і здаровы лад жыцця

•        Устойлівае развіццё гарадоў

•        Адукацыя для моладзі

•        ІТ-ініцыятывы

•        Правы чалавека і развіццё грамадскага дыялогу

•        Безбар’ернае асяроддзе і інклюзіўная прастора

•        Гарадская культура

•        Працаўладкаванне моладзі ў гарадах і рэгіёнах

•        Развіццё студэнцкай супольнасці ў рэгіёне

•        і іншыя.

Працягласць рэалізацыі праектаў – 4 месяцы. Пяць аўтараў-шчасліўчыкаў атрымае ўсю магчымую падтрымку на запуск і рэалізацыю ідэі.

«Падтрымка актыўнага ўдзелу моладзі ў развіцці населеных пунктаў вельмі важная. Таму ўдзел у конкурсе дазволіць маладым людзям рэалізаваць карысныя для беларускіх гарадоў ідэі, на ажыццяўленне якіх, магчыма, не хапала сіл, сродкаў або каманды аднадумцаў. Найлепшыя атрымаюць падтрымку арганізатараў і партнёраў конкурсу ў іх рэалізацыі», – растлумачылі ў Цэнтры гарадскіх ініцыятыў.

Для ўдзелу ў конкурсе неабходна да 1 лістапада ўключна запоўніць анкету: https://docs.google.com/forms/d/e/1FAIpQLScCYHkaNBBTU-Pcq5WZkYxsbGEf3yEo8Gh770I8GW7b_VpHcw/viewform