Мужчынскі хор «Усіхсвяцкі» выступіць 28 студзеня на сцэне Магілёўскага абласнога драматычнага тэатра

У межах Каляднага тура на сцэне Магілёўскага абласнога драматычнага тэатра 28 студзеня выступіць з сольным канцэртам «Зімовыя матывы» мужчынскі хор «Усіхсвяцкі» з Мінска. У праграме прагучаць калядныя спевы, калядкі, творы беларускіх кампазітараў і інш.

Унікальны пеўчы калектыў Беларусі – адзіны мужчынскі хор у краіне, які дае сольныя канцэрты і вядзе актыўную гастрольную дзейнасць.

Хор быў заснаваны ў 2013 годзе ў прыходзе ў гонар Усіх Святых у Мінску (настаяцель – протаіерэй Фёдар Поўны). Рэгент і саліст Дзмітрый Такмакоў – лаўрэат міжнародных конкурсаў, магістр мастацтваў, выпускнік Санкт-Пецярбургскай кансерваторыі імя М. А. Рымскага-Корсакава. Зараз старшы выкладчык кафедры сольных спеваў у Акадэміі музыкі.

За час існавання хор пабываў у Польшчы, Германіі, Расіі, Ватыкане, Ліхтэнштэйне. Калектыў нярэдка прымае ўдзел у царкоўна-дзяржаўных мерапрыемствах, у тым ліку з удзелам Прэзідэнта нашай краіны.