Пісьменнікі і журналісты, прадстаўнікі творчай інтэлігенцыі Магілёва 21 лютага напішуць «Беларускую дыктоўку» ў чытальнай зале МДУ імя А.А. Куляшова (вул. Касманаўтаў, 1). Яна пачнецца ў 11.30.
«Месцаў у нас хопіць усім жадаючым непасрэдна дакрануцца да прыгожага, мілагучнага беларускага слова, – патлумачыў адзін з арганізатараў акцыі, прарэктар ўніверсітэта па выхаваўчай рабоце, сябра Саюза пісьменнікаў Беларусі Уладзімір Ясеў. – Таму мы запрашаем не толькі студэнтаў і выкладчыкаў, але і жыхароў горада. Будзем рады вітаць, усіх неабыякавых да айчыннай культуры, літаратуры людзей».
Чытаць дыктоўку будзе вядучая інфармацыйных праграм «Радыё Магілёў» Марына Касьянава. Яе голас – адна з візітовак радыёстанцыі. Паўдзельнічаць у акцыі плануюць член Пастаяннай камісіі па дзяржаўным будаўніцтве, мясцовым самакіраванні і рэгламенце Святлана Шутава, старшыня Магілёўскага аддзялення Саюза пісьменнікаў Беларусі Аляксандр Казека.
«Беларуская дыктоўка» стане часткай Тыдня беларускай мовы, які праходзіць у Магілёўскай вобласці. Ён прымеркаваны да Міжнароднага дня роднай мовы, што адзначаецца 21 лютага.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.09.2025 - 14:25
Бліны па аўтэнтычных рэцэптах можна будзе пакаштаваць 6 верасня на бліна-фэсце ў Бялыніцкім раёне
25.08.2025 - 12:26
Тры эскізы спектакляў распрацавалі артысты Магілёўскага тэатра лялек разам з расійскімі калегамі
20.08.2025 - 12:14
Чаму трэба наведаць фестываль народных промыслаў і рамёстваў «Краснапольскі глечык»
19.08.2025 - 15:31
Пейзаж Юлія Клевера «Закат» будзе прадстаўлены ў Магілёве на выставе адной карціны
18.08.2025 - 14:45
Выстава двух вялікіх майстроў жывапісу адкрыецца ў Магілёве 22 жніўня