Нацыянальны алімпійскі камітэт Беларусі аб’явіў спіс каманды на зімовыя Алімпійскія гульні ў Пхенчхане. Плануецца, што ў спаборніцтвах прымуць удзел 28 атлетаў, з іх пяць – гэта прадстаўнікі Магілёўскай вобласці.
У біятлоне рыхтуецца выступіць выхаванка Чавускай спартыўнай школы Дынара Алімбекава, у мужчынскай зборнай – Уладзімір Чапелін з Чэрыкава і прадстаўнік Чавус Раман Елятноў. У лыжных гонках за перамогу пазмагаюцца Юрый Астапенка з Клімавіч і Аляксандр Воранаў з Магілёва.
XXIII зімовыя Алімпійскія гульні пройдуць з 9 па 25 лютага 2018 года ў паўднёвакарэйскім Пхенчхане. На спаборніцтвах будзе прадстаўлена 7 відаў спорту. Беларусы прымуць удзел у шасці з іх. Гульні стануць першымі зімовымі Алімпійскімі гульнямі, на якіх будзе разыграна больш чым 100 залатых медалёў.
Пхенчхан стане пляцоўкай для цырымоній адкрыцця і закрыцця. Спаборніцтвы пройдуць на тэрыторыі двух кластараў: у горным Пхенчхане і прыбярэжным Каныне.
Афіцыйны лозунг Гульняў – Passion.Connected. Талісманам Пхенчхан 2018 з’яўляецца белы тыгр па імі Сухаран.
Пры выкарыстанні матэрыялаў актыўная гіперспасылка на mogilev-region.gov.by абавязковая
19.08.2025 - 09:17
Магіляўчанін Ягор Шарамкоў выступіць на чэмпіянаце свету па спартыўнай гімнастыцы ў Інданезіі
18.08.2025 - 09:12
Сталі вядомы пераможцы чэмпіянату Беларусі па цяжкай атлетыцы
14.08.2025 - 11:37
Новыя спартовыя пляцоўкі з'явіліся ў адзінаццаці школах Магілёва
11.08.2025 - 09:33
Хакеісты «Магілёва» былі мацнейшымі за «Славуціч» у матчы Кубка Салея
07.08.2025 - 08:47
«Магілёў» і «Славуціч» атрымалі перамогі ў матчах Кубка Салея