Навігацыйную сістэму для інвалідаў па зроку ўстанавілі ў Магілёўскім аблвыканкаме. Яна ўключае ў сябе тактыльныя таблічкі са шрыфтам Брайля і маўленчы інфарматар, які працуе ад спецыяльнай праграмы на смартфоне. Пра гэта паведамілі ў камітэце па працы, занятасці і сацыяльнай абароне аблвыканкама.
Паволе слоў суразмоўцаў, адміністрацыйны будынак паступова адаптуюць да патрэб інвалідаў па зроку. З дапамогай такой сістэмы невідушчаму чалавеку лягчэй самастойна зарыентавацца ў прасторы і выбраць патрэбны кірунак.
Праект рэалізоўваецца ў Доме саветаў дзякуючы ініцыятыве ГА «БелТІЗ», якую падтрымала кіраўніцтва рэгіёна. На сённяшні дзень спецыяльныя таблічкі і схемы будынка размешчаны на паверхах, дзе працуюць спецыялісты камітэта па працы, занятасці і сацыяльнай абароне, галоўнага ўпраўлення па ахове здароўя, а таксама ўпраўлення па працы са зваротамі грамадзян і юрыдычных асоб.
Устаноўленая ў аблвыканкаме сістэма ўжо апрабавана. У лістападзе мінулага года падобная праграма запрацавала ў Магілёўскай паліклініцы № 2.
Пры выкарыстанні матэрыялаў актыўная гіперспасылка на mogilev-region.gov.by абавязковая
29.03.2024 - 14:49
29.03.2024 - 09:43
28.03.2024 - 15:13