RU BY EN 中文
Twitter Instagram

Па вуліцах Магілёва курсіруе таксі бяспекі

З пачатку лютага ў Магілёве курсіруе незвычайнае таксі. Да звыклых «шашачак» дадаўся надпіс «Таксі бяспекі». Пра гэта паведаміла старшы інспектар абласнога ўпраўлення МНС Вольга Нехарошых.

Тыя, хто ўжо пракаціўся ў такім таксі, ведае, у чым «фішка» маршруту. Пасажыры маюць унікальную магчымасць, правільна адказаўшы на пытанні па бяспецы, праехаць да пункта прызначэння бясплатна, пагутарыць з інспектарам МНС і атрымаць наглядна-выяўленчую прадукцыю.

«Бяспека–гэта галіна, якая патрабуе пастаяннага ўдасканалення як у метадах, так і ў формах навучальнага працэсу, – падкрэсліла суразмоўца. – Шалёны рытм жыцця не заўсёды дазваляе грамадзянам звярнуць увагу на бяспеку. Таму Магілёўскім абласным упраўленнем МНС была распрацавана і ўкаранёна новая форма работы з насельніцтвам, а таксі «Лідар–7820» пайшло насустрач і прадаставіла магчымасць рэалізаваць доўгатэрміновы праект».

Пры выкарыстанні матэрыялаў актыўная гіперспасылка на mogilev-region.gov.by абавязковая