RU BY EN 中文
Twitter Instagram

Пагадненне аб устанаўленні адносін дружалюбнага абмену і супрацоўніцтва падпісалі кітайскі горад Цяньцзінь і Магілёўская вобласць

Дэлегацыя Магілёўскай вобласці з афіцыйным візітам наведала кітайскі горад Цяньцзінь. Пра гэта паведамілі ва ўпраўленні знешнеэканамічнай дзейнасці камітэта эканомікі Магілёўскага аблвыканкама.

Прадстаўнікі нашага рэгіёна прынялі ўдзел у III Сусветным інфармацыйным кангрэсе, дзе змаглі азнаёміцца з найноўшымі распрацоўкамі, прысвечанымі бяспечнаму гораду, інтэлектуальнаму і лічбаваму развіццю вытворчасцяў, пашырэнню магчымасцей інтэрнэт-прадпрыемстваў, штучнага інтэлекту і інш. Таксама дэлегаты наведалі цырымонію адкрыцця першага ў Кітаі помніка Якубу Коласу.

Падчас сустрэчы з кіраўніцтвам Цяньцзінь бакі падпісалі Пагадненне аб устанаўленні адносін дружалюбнага абмену і супрацоўніцтва.

Праца працягнулася на форуме дзелавога супрацоўніцтва горада Цяньцзінь, Магілёўскай вобласці і Кітайска-беларускага індустрыяльнага парка «Вялікі камень». Тут быў прадстаўлены эканамічны патэнцыял Прыдняпроўскага краю.

Пры выкарыстанні матэрыялаў актыўная гіперспасылка на mogilev-region.gov.by абавязковая