Рус Бел Eng 中文

Пахаванне астанкаў чырвонаармейца адбылося ў Краснапольскім раёне

У вёсцы Выдранка Краснапольскага раёна 22 снежня адбылася перадача сваякам астанкаў сяржанта Савелія Тарасавіча Храмцова, які загінуў у кастрычніку 1941 года падчас Вялікай Айчыннай вайны.

Астанкі чырвонаармейца былі знойдзены 27 кастрычніка 2019 года ў Прыанежскім раёне Рэспублікі Карэлія Расійскай Федэрацыі пошукавым атрадам «Фенікс» Карэльскага фонду «Эстафета пакаленняў». Дастаўкай іх на радзіму займаўся ваенна-патрыятычны цэнтр Паўночна-Заходняй федэральнай акругі Расійскай Федэрацыі ў межах патрыятычнага праекта «Дарога дадому». Сям’і загінулага байца былі перададзены асабістыя рэчы: значок Асавіяхіма аб заканчэнні школы снайпінгу (Савелій Храмцоў быў снайперам), капсула медальёна з запіскай, па якой устанавілі асобу загінулага воіна.

Праводзіць воіна ў апошні шлях прыйшлі намеснік старшыні Краснапольскага раённага выканаўчага камітэта Алена Чаюкова, ваенны камісар ваеннага камісарыята па Чэрыкаўскім і Краснапольскім раёнах Юрый Галаўнёў, начальнік штаба пошукавай экспедыцыі ваенна-гістарычнага цэнтра Паўночна-Заходняй федэральнай акругі Расійскай Федэрацыі Аляксей Бураўлёў, родныя і блізкія Савелія Храмцова.

 

Па матэрыялам газеты «Чырвоны сцяг»

Пры выкарыстанні матэрыялаў актыўная гіперспасылка на mogilev-region.gov.by абавязковая