Палова квіткоў на спектаклі XV Міжнароднага моладзевага тэатральнага форуму «М.@rt.кантакт–2020» прададзена з моманту старту продажаў 8 студзеня, гэта значыць, усяго за тыдзень. Пра гэта паведаміла намеснік дырэктара Магілёўскага абласнога драмтэатра Ірына Рабцава.

Ужо не засталося квіткоў на спектаклі, якія адбудуцца ў дзень адкрыцця фестывалю, 21 сакавіка. Няма квіткоў на спектакль «Чайка» Цвярскога ТЮГа, на пастаноўку «Аўдыятэатр» тэатра з Кіева, спектакль «І абдыме мяне нетутэйшы цуд» ізраільскага тэатра «Лесвіца» і спектакль «Бетон» Мінскага тэатра беларускай драматургіі, які пакажуць у дзень закрыцця «М.@rt.кантакту», 27 сакавіка.

Штодня каса Магілёўскага драмтэатра прадае каля ста квіткоў. Усяго будзе рэалізавана каля 5,5 тыс., адзначыла Ірына Рабцава.

«Радыё Магілёў»